Изложбата „Кој кого жени?“ на замокот „Тракошчан“ од Хрватска денеска во 13 часот ќе биде отворена во Музејот на македонската борба за самостојност во Скопје. Тематски фокус на изложбата е придонесот и значењето што го имале благородничките во хрватското општество и во нивните семејства.
Изложбата ќе биде отворена до 11 јануари. Гостувањето е резултат на соработката меѓу институциите и поттик за продлабочување на културните врски меѓу двете земји. Изложбата се реализира со поддршка од Министерството за култура и медиуми на Хрватска.
